Янғындар булмаһын өсөн

«Асҡар» МУП-ы һәм Асҡар биләмәһе хакимиәте район үҙәгендә янғындарҙы иҫкәртеү, бәләгә ҡалыусыларға ҡыҫҡа ваҡытта ярҙам күрһәтеү маҡсатында һыу гидранттарын төҙөкләндереү эштәрен дауам итә. Ошо көндәрҙә район мәҙәниәт һарайы алдындағы ҡеүәтле гидрант сафҡа инде, янғын һүндереүселәр уны һәм монтажланған тағы ике ҡоролманы тикшереп ҡараны. Быйылғы йылда тағы 4 һыу гидранты ҡуйыу ҡаралған.