Дәүләт имтихандары яҡынлаша

Район мәғариф бүлегенән хәбәр итеүҙәренсә, 9-сы класс уҡыусыларына рус теле буйынса йомғаҡлау имтиханына (әңгәмәләшеү) эләгеү өсөн 30 ғинуарға тиклем ғариза тапшырырға кәрәк. Ғаризаларҙы уҡыусылар уҡыу урыны буйынса бирә. Әңгәмәләшеү 2018 – 2019 уҡыу йылында 9-сы класты тамамлаясаҡ балалар өсөн мотлаҡ дисциплина итеп индерелгән, уны уңышлы тапшырыу ГИА-ға индереүгә нигеҙ булып тора. Йомғаҡлау әңгәмәһе 13 февралдә үткәрелә. «Зачет» алмаған йәки әңгәмәгә килә алмаған уҡыусылар өсөн өҫтәмә көндәр ҡаралған — 13 март һәм 6 май. Тулыраҡ мәғлүмәт алыу өсөн http://abroo.ucoz.ru/ сайтына инергә мөмкин.