Һалҡын миҙгелдә уттан һаҡ булығыҙ

Көндәр ныҡ һыуынғанда мейестәрҙе үтә ҡыҙыу яғырға, электр приборҙарын көсәйтелгән режимда эшләтергә тура килә. Тап ошо мәл янғын сығыу йәһәтенән хәүефле һанала, шуға күрә йылытыу ҡорамалдарын күҙ уңынан ысҡындырмағыҙ, мейестәрҙең, төтөн юлдарының төҙөклөгөн тикшереп тороғоҙ. Газ плитәһен йортто йылытам тип тоҡандырып ҡуйыуҙан файҙа юҡ, ул ағыулы һөрөм сығарып торасаҡ. Айырыуса бәләкәстәрҙе яңғыҙ ҡалдырмауығыҙ һорала. Берҙәм дежур-диспетчер хеҙмәтенең номеры — 112.