Яҡташтарыбыҙ һынатмай

Мәктәп уҡыусыларының Бөтә Рәсәй олимпиадаларының республика этабында яҡташтарыбыҙ уңыштары менән һөйөндөрә.

Красная Башкирия урта мәктәбенең 10-сы класс уҡыусыһы Арина Акшенцева рус әҙәбиәтенән (уҡытыусыһы И. Ю. Һиҙиәтова), 1-се Асҡар урта мәктәбенән 10-сы кластан Эльдар Мөхтәруллин, 11-се кластан Ансар Мөлөков (М. Р. Зарипова), Салауаттан 10-сы класс уҡыусыһы Зарема Хамматова (Р. С. Хафизова) география фәненән призер булдылар. Байымдан 9-сы класс уҡыусыһы Дилбәр Мөхәмәҙиева физкультура буйынса (Г. Й. Ғилметдинова) II урын яуланы һәм апрель айында Ульяновск ҡалаһында уҙасаҡ йомғаҡлау турына саҡырыу алды.