Хоҡуҡ һаҡсылары республика ярышында ҡатнашты

Район эске эштәр бүлеге командаһы үткән аҙнала Сибай ҡалаһында двоеборье буйынса төбәк ярышында ҡатнашып, икенсе урын яулағайны. Әбйәлил намыҫын Башҡортостан кимәлендә яҡлау өсөн Өфөләге шәхси-команда чемпионатына Л. Ғиззәтова, Х. Мөхәмәтдинов, А. Хәсәнов, Ғ. Ҡолбирҙин барҙы. Саңғыла йөрөү һәм пистолеттан атыу буйынса улар ярайһы уҡ яҡшы һөҙөмтәләргә өлгәште һәм бөтә республиканан йыйылған эске эштәр бүлектәре командалары араһында 6-сы урынға сыҡты.