Эшһеҙлек буйынса пособие артты

Республиканың Хеҙмәт министрлығынан белдереүҙәренсә, эшһеҙлек буйынса пособие күләме артҡан, февралдә ул эш кешеләренең йәшәү минимумының 61 процент күләмендә йәки 5793 һум тәшкил иткән, уҙған йылдың ошо осоронда 4033 һум булған. Шуны ла әйтеп үтергә кәрәктер, быйылғы ғинуарҙан эшһеҙлек буйынса түләм тотош Рәсәйҙә артты: уның минималь күләме 850-нән 1500 һумға тиклем, иң ҙур күләме 7900-ҙан 8000 һумға етте. Башҡортостанда иһә урал коэфициенты менән бергә ул ярашлы рәүештә 1725 һәм 9200 һум булды.