Яҙғы ташҡынға әҙер булырға

Башҡортостанда 3 апрелдән яҙғы ташҡынға юғары әҙерлек режимы индерелә. Һыу баҫыу ҡурҡынысы янаған төбәктәрҙә халыҡты иҫкәртеү системалары ҡулланыласаҡ һәм йорттарына һыу ингән кешеләр өсөн ваҡытлыса урынлаштырыу пункттары эшләйәсәк. Гидрометеорология үҙәге быйыл ҙур ташҡын булмаясаҡ, йылғаларҙа һыу кимәле түбән, тип белдерә. Урал аръяғында йылғалар асылыуы 11 апрель тирәһендә башланасаҡ, тип күҙаллана.