Афарин, егеттәр!

Эске эштәр бүлеге егеттәре ҡул һуғышы буйынса Урал аръяғы эске эштәр бүлектәре араһында үткән турнирҙа икенсе йыл рәттән чемпион исемен яуланы. Биш райондан йыйылған хоҡуҡ һаҡсылары менән лайыҡлы алышып, үҙҙәренең ауырлыҡ төркөмдәрендә Вилдан Мөхәмәтйәнов, Рөстәм Әхмәтов, Рәшит Йосопов — беренсе, Рөстәм Мөхәмәтдинов, Марсель Малыбаев һәм Ғәзиз Бикҡолов өсөнсө урын яулап, дөйөм иҫәптә кубок яулай алды.