«Яҡты-Күл» Рәсәй буйынса иң яҡшы унау исемлегендә

Мәскәүҙә Сәләмәтләндереү туризмы ассоциацияһы ойошторған «Сәләмәт илде үҫтереүгә инвестициялар. Цифрҙар, факттар, мөмкинлектәр» форумы уҙҙы. «Рәсәйҙең 100 иң яҡшы шифаханаһы» рейтингыһында ил буйынса 1700 курорт баһаланды һәм уға Башҡортостанда урынлашҡан башлыса бөтә шифаханалар ҙа индерелде. Жюри ҡарары менән «Янғантау» шифаханаһы «Курорт мираҫын һаҡлауға индергән өлөшө өсөн» номинацияһында махсус премияға лайыҡ булды һәм «Бизнес һөҙөмтәлелеге буйынса иң яҡшы унау» топында икенсе урында билдәләнде. «Танып» шифаханаһы — бишенсе, «Яҡты-Күл» туғыҙынсы баҫҡысты биләй.