Башҡортса йәнһүрәттәр сыға

«Башҡортостан» киностудияһы башҡорт телендә анимацион фильмдар әҙерләй. Өс-дүрт минутлыҡ биш йәнһүрәт тамашасы иғтибарына тәҡдим ителәсәк. Әкиәттәр күңелле генә түгел, файҙалы ла булмаҡсы, башҡорт милли көйҙәре файҙаланыласаҡ. Республика мультипликаторҙары был проектты «Башҡортостанда дәүләт телдәрен һаҡлау һәм үҫтереү» буйынса республика Башлығы грантына эшләй. Йәнһүрәттәр декабрҙә эфирға сығасаҡ, тип көтөлә.