Ипотека өлөшөн ҡаплауға ғариза яҙырға мөмкин

Рәсәй Хөкүмәте күп балалы ғаиләләргә ипотека өлөшөн компенсациялау буйынса ҡағиҙәләрҙе раҫлағайны. Документҡа ярашлы, 2019 йылдың 1 ғинуарынан 2022 йылдың 31 декабренә тиклем өсөнсө йәки унан һуңғы бала тыуған (уллыҡҡа алынған) ғаиләләр ипотека буйынса 450 мең һумлыҡ компенсация алыу хоҡуғына эйә булды. Ҡарар 25 сентябрҙән үҙ көсөнә инде. Тимәк, күп балалылар иҫәбенә ингән, ипотекаға алынған торлаҡта йәшәүсе ғаиләләр ошо көндән уны өлөшләтә ҡаплауға ғариза яҙа ала.