Шахмат турниры үтте

Шәмбелә район шахмат турнирының етенсе этабы «Батыр» физкультура-һауыҡтырыу комплексында үтте. Унда бөтәһе 31 кеше ҡатнашты. Ир-егеттәр араһында призлы урындарҙы Вил Әбдрәхимов (Атауҙы), Риф Хажин (Ишбулды) һәм Акрам Италмасов (Әбйәлил) бүлеште. Ҡатын-ҡыҙҙар араһында еңеүселәр исеменә Олеся Зайцева, Амалия Вәлиева (Асҡар) һәм Әнүзә Абдуллина (гимназия) лайыҡ булды. Бынан тыш малайҙар араһында айырым ярыш булып, унда Артем Аширов, Илдар Әмиров һәм Эмиль Шаһивәлиев призер исемен алды.