Майҙансыҡ дөйөм көс менән сафҡа инә

Бынан алдағы ял көндәрендә балалар майҙансығын кәртәләү, уйын ҡорамалдарын ултыртыу буйынса башланған эште был йәкшәмбелә лә дауам итер өсөн Әбйәлил ауылының әүҙем кешеләре тағы өмәгә сыҡты. Ир-егеттәр әүһәләктәрҙең терәүҙәрен ҡуйҙы, ҡатын-ҡыҙҙар уларҙы буяны. Киләһе ял көндәрендә ойоштороласаҡ өмәгә халыҡ әүҙемерәк сыҡһа ине, тигән теләктә был изге эштең башында тороусылар.