Йәйге ялды яҡшы баһаға

Ағымдағы йылдың йәйге осоронда сәләмәтләндереү кампанияһын ойоштороу йомғаҡтары буйынса республика кәңәшмәһендә «Ирәндек» балаларҙың йәйге ял лагеры «Республикала балаларҙы ял иттереү һәм уларҙы сәләмәтләндереү буйынса иң яҡшы ойошма» исеменә ведомство-ара конкурста II урынға лайыҡ булды. Әбйәлил районы хакимиәте иһә 2019 йылда сәләмәтләндереү кампанияһын юғары кимәлдә ойошторғаны һәм балаларҙың ялын һәм уларҙы сәләмәтләндереү системаһын камиллаштырыуға индергән өлөшө өсөн Рәхмәт хаты менән билдәләнде.