Тимер-томор һатырға ла ярамай икән...

Эске эштәр бүлегенең акт ҡағыҙҙары буйынса инспекторы С. Ҡараҡаев әйтеүенсә, халыҡҡа үҙе йыйған төҫлө һәм ҡара металды һатыу өсөн ташыу тыйыла. Хоҡуҡ һаҡсыһы аңлатыуынса, был тимер-томор шәхси ихатала йыйылһа ла, автомобиль йә башҡа кәрәкмәгән ҡорамалдарҙан артып ҡалһа ла, РФ Административ кодексының 14.26-сы статьяһына ярашлы, лом, ҡара һәм төҫлө металды ташыу, һаҡлау өсөн 2500 һумға тиклем штраф ҡаралған. Йәғни Федераль закон нигеҙендә тимер-томорҙо һатырға теләһәгеҙ, лицензияһы булған махсус хеҙмәттәргә мөрәжәғәт итергә кәрәк. Ағымдағы йылда ғына кәрәкмәгән алмаш өлөштәрен, автомашинаның корпусын һатырға тип ҡалаға китеп барған район кешеләренә ҡарата 12 административ эш асылған.