Афарин, яҡташтар!

Рәйес Түләктең тыуыуына 60 йыл тулыу уңайынан «Шоңҡар» журналы шағир ижадына арнап, видеоконкурс иғлан иткәйне. Ошо көндәрҙә Баймаҡ ҡалаһында Р. Түләктең әҫәрҙәрен иң матур итеп һөйләүселәр тәбрикләнде. Хәлилдән Радик Өмөтҡужин «Тамашасы һөйөүе» номинацияһында билдәләнеп, дипломға лайыҡ булды. Тағы бер яҡташыбыҙ, Ишкилде ауылынан Фәрзәнә Хамматова Мостай Кәримдең 100 йыллығына арнап, Әхмәт Зәки Вәлиди исемендәге китапхана үткәргән Халыҡ-ара интернет конкурста шағирҙың «Үҙемә әйтелгән һүҙ» шиғырын һөйләп, еңеүселәр рәтендә билдәләнде һәм сертификатҡа лайыҡ булды. Бынан тыш Фәрзәнә Әхмәт ҡыҙы Сибай ҡалаһында үткән «Йөрәктән йөрәккә» I асыҡ ҡала конкурсында ла үҙен һынаны, Сибай мәҙәниәт бүлегенең дипломы менән бүләкләнде.