Спиртлы эсемлектәр һатыу контролгә алына

Башҡортостан Башлығы, «Берҙәм Рәсәй» партияһының төбәк бүлексәһе секретары Радий Хәбиров партия ағзаларына Яңы йыл байрамдары осоронда алкоголь һатыуға бәйле хәлде контролгә алырға ҡушты. Әле Яңы йыл мәлендә спиртлы эсемлектәр һатыуҙы сикләү буйынса закон проекты БР Дәүләт Йыйылышына тикшереүгә ҡуйылған. Сикләүҙәр кафе һәм ресторандарға ҡағылмаясаҡ, ә сауҙа нөктәләрендә әйтелгән көндәрҙә хәмер һатыу тыйыласаҡ. Ошо ҡанундың үтәлешен «Берҙәм Рәсәй» вәкилдәре контролгә алырға тейеш.