Ағыулы ҡатнашма һатыуҙан алына

Башҡортостанда составында никотин булған ҡатнашмаларҙы — СНЮС-тарҙы сауҙа нөктәләренән алыу тураһында фарман сығарылғандан алып, Роспотребнадзор вәкилдәре тарафынан 18 партия ағыулы матдә тартып алынды, тип яҙа «Башинформ». Никотинлы һағыҙҙарҙы тикшереү уларҙа мышьяк, кадмий, терегөмөш, тимер, ҡурғаш, хром кеүек ауыр химик элементтарҙың күп булыуын күрһәтте. Шәхси эшҡыуарҙарға 14 административ протокол төҙөлгән, СНЮС-тарҙы пропагандалаусы 11 сайт асыҡланған.