Ҡаргиҙәрҙәр тикшерелә

Район биләмәһендә 14 февралгә тиклем юлһыҙ йөрөй торған мототранспортты, йәғни ҡаргиҙәрҙәрҙе тикшереү буйынса профилактик сара үтә. Дәүләт техник күҙәтеүе инспекцияһы һәм ЮХХДИ хеҙмәткәрҙәре был осорҙа рейдтарға сығып, ҡарҙа йөрөй торған техниканың хәүефһеҙлеген, уларға документтарҙың теүәл булыуын тикшерә. Был транспорт сараһын һунарсылар йыш ҡулланғанға күрә, рейдтарға БР Тәбиғәт һәм экология министрлығы, Һунарсылар һәм балыҡсылар ассоциацияһы вәкилдәре лә йәлеп ителә.