Ҡотлайбыҙ, Альбина Ринат ҡыҙы!

Республиканың мәғарифты үҫтереү институтында күренекле публицист, драматург, шағир Ғәзим Шафиҡовтың ижадына бағышланған фәнни-ғәмәли конференция уҙҙы. Билдәле шәхестең ижадын өйрәнеү буйынса 73 ғилми эш араһынан 11-е һайлап алынды. Улар араһында Таһир Кусимов исемендәге гимназияның башҡорт теле һәм әҙәбиәте уҡытыусыһы Альбина Муллахмәтова ла бар. Альбина Ринат ҡыҙы абруйлы жюри алдында үҙенең эшен лайыҡлы яҡлап, призер булды.