Яҙғы ташҡынға әҙерлек башланды

Ғәҙәттән тыш хәлдәр министрлығының республика идаралығы яҙғы ташҡындың иң хәүефле «сценарий»ына әҙерләнә. Тейешле ҡарар әле республика Хөкүмәтенә тикшереүгә индерелгән. Һыу ташыу хәүефе ҙур булған биләмәләрҙә ҡотҡарыусыларҙың оператив төркөмө эшләйәсәк, махсус техника бүленәсәк. Бынан тыш энергетиктар, юлсылар, коммуналь хеҙмәттәр ҙә йәлеп ителәсәк. Ведомствонан белдереүҙәренсә, быйыл яҙғы ташҡын 42 муниципаль берәмектең 257 ауылында булыуы ихтимал.