Чемпион исемен раҫланылар

Район эске эштәр бүлеге командаһы Баймаҡ ҡалаһында үткән ҡул һуғышы буйынса төбәк беренселегендә ҡатнашты. Ярыш һөнәри бурысын үтәгәндә һәләк булған СОБР хеҙмәткәрҙәре иҫтәлегенә арналды. 7 район хоҡуҡ һаҡсылары араһында Әбйәлил егеттәре һынатмай, оҫта алышып, дөйөм иҫәптә беренсе урын яуланы һәм Урал аръяғы чемпионы исемен раҫланы. Үҙ ауырлыҡ категорияларында еңеүсе исемдәренә Айытбай Хафизов, Рөстәм Әхмәтов һәм Илмир Мөхәмәтдинов лайыҡ булды.