Имтихандар ваҡыты билдәләнмәгән әле

РФ мәғариф министры Сергей Кравцов Берҙәм дәүләт имтихандарын уҙғарыу ваҡыты 12 майҙан һуң билдәле буласаҡ, тине. Әлегә тиклем һынауҙар 8 июндә башлана, тип хәбәр ителгәйне, әммә эпидемиологик хәлгә бәйле был дата үҙгәреүе ихтимал. Уҡыу йорттарына ҡабул итеү процесы ла БДИ тамамланғас ҡына башлана. Вуздар абитуриенттарҙы дистанциялы ҡабул итергә ниәтләй. Конкурс процедураһы 15 августа ғына башланасаҡ.