Уңғандар өмәгә сыҡты

Дауыт ауылы халҡы ике көн рәттән өмәгә сыҡты. Йылдағыса ауыл зыяраты биләмәһе сүп-сар, ҡороған ағастарҙан таҙартылды. Элекке ҡыйлыҡ урынында ғәйәт ҙур эш башҡарҙы уңғандар. Бында сүп түгеү тыйылһа ла, ғәҙәт буйынса ҡый тоҡтарын ташлаусылар табылып тора, шуға уны таҙартыу байтаҡ ваҡытты алды. Көнсығыш биҫтәләрендә йәшәүселәр ҙә Ҡоръятмаҫ тауына сығып, ундағы сүп-сарҙы йыйып, таҙаланы.