Талпан тешләүҙән почтала страховкаланыу мөмкин

Башҡортостан почтаһы республика халҡын талпан тешләүҙән үҙеңде страховкаларға тәҡдим итә. Почта бүлексәләренә мөрәжәғәт итеп «Антиклещ» программаһы буйынса полис тултырһағыҙ, тиҙ арала медицина ярҙамы һәм амбулатор дауаланыуға хоҡуҡлы булаһығыҙ. Страховка полисы нигеҙендә 500 мең һумға тиклем реабилитация саралары алыу мөмкинлеге бирелә. Документ бер йылға тиклем ғәмәлдә була.