Бәлки, оялырҙар, тип...

БР Транспорт һәм юл хужалығы буйынса дәүләт комитеты етәксеһе А. Марзаев, иҫереп руль артына ултырған водителдәрҙе, автоинспекторҙарға эләккәс, ни рәүешле ҡыланыуҙарын видеоға төшөрөп, телевизор аша күрһәтергә кәрәк, тип тәҡдим итте. Бәлки ошо алым уларҙы әҙерәк уйланырға мәжбүр итер, быйыл бер ай эсендә генә эскән водителдәр арҡаһында ике фажиғә булып, унда йәйәүле үҫмерҙәр һәләк булды. Шуға ҡарамаҫтан, һуңғы ялда үткәрелгән рейдтар барышында тағы меңгә яҡын иҫерек автоһәүәҫкәр тотолдо.