Башҡортса дөрөҫ һөйләшегеҙ!

«Эшлекле башҡорт теле» — Башҡорт телен һаҡлау һәм үҫтереү фонды әҙерләп нәшер иткән баҫма шулай тип атала. Ул эшлекле стилдә яҙырға, һөйләшергә өйрәнергә теләгәндәр өсөн тәғәйенләнгән. Телде төрлө кимәлдә белгәндәр һәм халыҡ алдында сығыш яһарға, эшлекле һөйләшеүҙәр алып барғандар өсөн бик ҡулай. Проект Башҡортостан Башлығы грантына тормошҡа ашырыла. Уның авторҙары — филология фәндәре докторҙары Фирҙәүес Хисаметдинова һәм Гөлфирә Абдуллина.