Шүлгән мәмерйәһенә тиклем асфальт һалынды

Бөрйән районында урынлашҡан «Шүлгән-Таш» музей комплексына тиклем асфальт юлдан ғына елдереп барып етеү мөмкинлеге тыуҙы. Был райондың юл ремонт-төҙөлөш идаралығы эшселәре Шүлгән мәмерйәһенә тиклем асфальт түшәне. Артабан да был комплексты төҙөкләндереү дауам итәсәк — яңы ҡунаҡханалар, автомобилдәр өсөн уңайлы туҡталҡалар төҙөлә, скважина ҡаҙылып, сифатлы һыу менән тәьмин ителә.