Ут аямай

Ҡышҡы һыуыҡ өйҙәрҙе нығыраҡ йылытырға, электр ҡорамалдарын бар көсөнә эшләргә мәжбүр итә. Үкенескә ҡаршы, йыл башынан районда янғын осраҡтары йышайҙы. Яңы йыл каникулдары осоронда ғына янғын һүндереүселәргә Асҡар, Әүнәш, Ишҡол ауылдарына мунса һүндереүгә сығырға тура килде. Рауил ауылында 6 ғинуарҙа һарайҙа сыҡҡан ут арҡаһында, уның эсендә торған 13 баш һыйыр малы, 6 баш һарыҡ янды. Мейестәрҙең, электр ҡорамалдарының төҙөклөгөн тикшереп тороғоҙ, янған усаҡты ҡалдырмағыҙ, ут менән үтә һаҡ булығыҙ.