Әсәлек капиталы суммаһы артты

Пенсия фонды идаралығы хәбәр итеүенсә, 2021 йылда тыуған беренсе сабый өсөн әсәлек капиталы күләме 483881 һум тәшкил итә. Әгәр 2020 йылға тиклем икенсе йә унан һуңғы бәпәй тыуһа һәм ата-әсәләр сертификат алмаған булһа, өҫтәмә рәүештә ошондай уҡ суммаға хоҡуҡлы була. Беренсе балаға әсәлек капиталы алып, тағы бер балаға ғүмер биргән йәки опекунлыҡҡа алған ата-әсәләр тағы 155550 һумлыҡ дәүләт ярҙамына иҫәп тота ала. 2020 йылдың 1 ғинуарынан һуң донъяға килгән икенсе йәки унан һуңғы бәпес өсөн (әгәр ғаилә быға тиклем әсәлек капиталы сертификаты менән файҙаланмаған булһа) 639431 һумлыҡ сертификат биреләсәк.