Әсәйҙәр һәм сабыйҙар дәүләт ярҙамын тойорға тейеш

Рәсәй Дәүләт Думаһы депутаттары илдәге демографик хәлде яҡшыртыу маҡсатында тағы бер закон проекты әҙерләй. Проект авторҙары бәпес табырға йыйынған йөклө ҡатындарға айлыҡ аҡсалата түләм алыуға хоҡуҡ биреүсе сертификат булдырырға тәҡдим итә. «Был буласаҡ әсәнең матди хәлен яҡшыртып ҡына ҡалмаясаҡ, ә тыуымды арттырыуға ла булышлыҡ итәсәк», — тигән фекерҙә депутаттар. Әгәр яңы закон хуплау тапһа, ауырлы ҡатындар өҫтәмә рәүештә 20 мең һум аҡса аласаҡ.