Еңеү көнөн үткәреү тураһында

БР Башлығы Радий Хәбиров Бөйөк Еңеү көнөн билдәләү тураһындағы бойороҡҡа ҡул ҡуйҙы. Документҡа ярашлы, быйыл республикала байрам саралары үтәсәк. 7 майҙа Өфөлә ҙур концерт, 9 майҙа — Еңеү паркында сәскә һәм веноктар һалыу тантанаһы, Муса Гәрәев ҡәбере, Миңлеғәле Шайморатов, Таһир Кусимов бюстары янында почетлы ҡарауыл ҡуйыу, хәрбиҙәр парады һәм «Үлемһеҙ полк» акцияһы планлаштырыла. Райондарҙа обелискылар тәртипкә килтерелә, Бөйөк Ватан һуғышы ветерандарын тәбрикләү һәм байрам саралары уҙғарыласаҡ.