Өсөнсө тулҡыны килмәһен ине ул

Рәсәй коронавирус инфекцияһының өсөнсө тулҡынын ҡаршыларға әҙерләнә, тип яҙа «Башинформ». Әммә, ул алдағыларына ҡарағанда көсһөҙөрәк булыр тип көтөлә. Медицина фәндәре докторы Н. Заһиҙуллин билдәләүенсә, эпидемияны прогнозлауы бик ауыр, сөнки ковид үҙен бик серле тота. Шулай ҙа Европа илдәре өсөнсө тулҡынды май-июнь айына фаразлаһа, Рәсәйгә ул тағы һуңыраҡ килеп етәсәк. Бөтөнләй килеп етмәүе лә ихтимал, сөнки илдә вакцинация дауам итә һәм вирусты кешеләр еңелерәк үткәрәсәк. Пандемия башланған көндән алып, республикала был вирустан 315 кеше вафат булған, әлегә стационарҙарҙа 262 кеше дауалау курсы үтә, шуларҙың 17-һе — ауыр хәлдә.