Тирә-яҡ мөхитте хәстәрләп

"Транснефть-Урал" тирә-яҡ мөхиткә иғтибарлы ҡарай: акционерҙар йәмғиәте даими рәүештә экология мониторингыһы үткәреп тора.

"Транснефть-Урал" акционерҙар йәмғиәте Башҡортостан республикаһы һәм башҡа төбәктәрҙе нефть һәм нефть продукттары менән тәьмин итеп кенә ҡалмай, етештереү предприятиеһы объекттарында даими рәүештә экологик-аналитик мониторинг та уҙғара.

Был эштәрҙе предприятиеның дүрт аккредитацияланған лабораторияһында эшләгән белгестәр башҡара.

Ағымдағы йылдың беренсе алты айында улар 10,6 мең тикшеренеүҙәр үткәргән. Айырыуса һыу ресурстары контроленә ҙур иғтибар бүленә. Өҫкө һәм йыйылма һыуҙарҙы, шулай уҡ эсәр һыуҙы, скважинанан техник һыуҙарҙы тикшереү өсөн 9,7 меңдән ашыу анализдар яһала.Бынан тыш, атмосфера һауаһын тикшереү өсөн 660 проба һәм 250 тупраҡ өлгөһө алынған.

Һөҙөмтәләр буйынса "Транснефть-Урал" акционерҙар йәмғиәтенең эшмәкәрлеге экологик хәүефһеҙлек буйынса торба үткәргес транспорты өлкәһендәге талаптарға тулыһынса тап килә тип белдерҙе белгес-экологтар.