Республикала яҡшы вакансиялар тәҡдим ителә

Мәшғүллек үҙәгенең интерактив порталында юғары эш хаҡы түләнгән вакансиялар исемлеге баҫылып сыҡты. Өфө, Стәрлетамаҡ, Октябрьск, Учалы, Межгорье ҡалаларында эш биреүселәр 100 мең һумдан ашыу эш хаҡы тәҡдим итә. Мәҫәлән, Стәрлетамаҡта «Чистый город» йәмғиәтенә арматурасы кәрәк (эш хаҡы 100 мең һум), Учалы ҡала дауаханаһында табип-реаниматологҡа 60 меңдән 110 мең һумғаса эш хаҡы түләргә әҙерҙәр. Октябрьск ҡалаһындағы юл төҙөү ойош-маһына автогрейдер машинисы талап ителә (120 мең һум). Вакансияларҙың тулыраҡ исемлеге менән Мәшғүллек үҙәге сайтында танышырға мөмкин.