Яҡташыбыҙ Рөстәм Миңлеханов премияһы лауреаты!

Төбәк етәксеһе башҡорт милли-мәҙәни ойошмаһының эшмәкәрлегенә юғары баһа бирҙе, уның туған телде, мәҙәниәтте, йолаларҙы һаҡлау, үҫтереү буйынса әүҙем хеҙмәт күрһәтеүен билдәләне.

Райондашыбыҙҙы ихлас күңелдән ҡотлайбыҙ, артабан да ҙур уңыштар теләйбеҙ!

Ғәли Хәсәнов, Татарстан башҡорттары ҡоролтайы рәйесе, Бөтә донъя башҡорттары ҡоролтайы Башҡарма комитеты ағзаһы, һөнәре буйынса врач:

- Беҙҙең йәмәғәт ойошмаһының эшмәкәрлеге, башланғыстарыбыҙ, социаль әһәмиәтле йәштәр проекттары юғары кимәлдә баһаланды. Бының өсөн бик шатбыҙ һәм рәхмәтлебеҙ. Татарстан Республикаһы Рәйесе премияһына лайыҡ булыу - беҙҙең милли-мәҙәни автономия, проекттар командалары, саралар партнерҙарының берҙәм оло хеҙмәт емеше. Барыһына ла рәхмәт! Уңышлы команда эше һөҙөмтәһе был.